Diego Costa dëshiron të largohet nga Atletico Madridi, ndërsa tashmë kanë nisur spekulimet që e lidhin me klubet e interesuara.

Sipas AS, Arsenali është një prej klubeve që dëshiron ta riktheje sulmuesin në Ligën Premier.

32-vjeçari ka kërkuar nga klubi që t’ia ndërpresë kontratën dhe pritet të largohet nga Wanda Metropolitano në afatin kalimtar të janarit.

Costa ka marrëveshje me Atleticon deri në fund të sezonit, mirëpo ai dëshiron ta përfundojë qëndrimin gjashtë muaj më herët.

Arsenali është në listën e gjatë të klubeve të interesuara për shërbimet futbollistit që në vitin 2014 zgjodhi ta përfaqësonte Spanjën në vend të Brazilit.