Dominim se jo mahi: Kjo skuadër e madhe evropiane e ka fituar Ligën 16-herë në 20 vitet e fundit

Në Evropë ka shumë ekipe të cilat kanë krijuar një lloj ‘diktature’ apo ‘regjimi’ të tyre në ligat e shteteve të tyre.


Vitet e fundit, ekipe si Barcelona, Juventus, Bayern Munich apo edhe Paris Saint-Germain, kanë thënë fjalën e fundit në ligat e vendeve të tyre, shkruan Reporteri.net

Barcelona e ka fituar 8 herë ligën në 11 vitet e fundit, Bayerni tash e 6-7 vite, Juventusi për të 8 herë me radhë e Parisi 5 herë në 6 vitet e fundit.

Por, kur bëhet fjalë për sukses absolut, atëherë ekziston një ekip që i lë në hije të gjitha.

Skuadra greke Olympiacos, është skuadra më e madhe greke e cila ka fituar ligën e vendit hiç më pak se 44 tituj të ligës, e 27 kupa.

Ajo e ka fituar Ligën plotë 16 herë në 20 vitet e fundit, duke u bërë kështu skuadra më dominante ndër Ligat e Evropës.

Anipse nuk e ka fituar tash e dy edicione, ajo është shpallur 7-herë rresht kampion i Ligës, duke dalë AEK Athensi në skenë së fundmi./Reporteri.net/