Drita FC do të jetë skuadra e parë kosovare që do të luan në rrethin e tretë të Europa Ligës. Skuadra kosovare shënoi fitore kundër kampionit të Maqedonisë, Sileks FC për të kaluar kështu në fazën e tretë të eliminimit direkt në Evropa Ligë
Drita është hyrë sonte në histori të futbollit kosovar, pasi që bëhet skuadra e parë kosovare që është kualifikuar në rrethin e tretë të garave të Evropa Ligës.
Kampioni i Kosovës, e cila padrejtësisht ishte eliminuar edhe nga gara e Ligës së Kampionëve kundër Linfield, pasi që kishte pasur vetëm një futbollist të infektuar me COVID-19 sonte zhvilloi ndeshjen e radhës kundër kampionit të Maqedonisë, Sileks.
Pjesa e parë e kësaj ndeshje përfundoi e tërë në kontroll të skuadrës kosovare, sidomos në 30 minutat e parë të saj ku Xhevdet Shabani ishte gati për ta dënuar Sileksin nga goditja e lirë.
Në pjesë e dytë, Drita prapë ishte më e mirë dhe erdhi të goli që në minutën e 48-të ku Fidan Gërbeshi shënon gol nga penalltia.
Në fakt ishte Namani ai që nxorri penalltinë për gjilanasit.
E derisa Sileks mendonte që të kthehej në lojë, një kundërsulm i shpejt u bë nga Drita dhe para Sileks shkakton faul Darko Grozdanoski e që mandej ndëshkohet me karton të kuq.
Drita vazhdon me sulme dhe shënon edhe golin e dytë, që ishte një super gol i Ardian Limanit më të djathtën e tij në minutën e 80-të.
Pas kësaj fitoreje Drita do të luajë kundër Legia Varshavës në Poloni.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.