Kanë përfunduar dy ndeshjet e fundit të xhiros së 28-të në Superligën e Kosovës

Drita e ka mposhtur në udhëtim Llapin me rezultat 4-0 dhe kështu ka bërë një hap të madh në luftën për titull, shkruan Reporteri.net

Pefqeli shënoi autogol në minutën e tetë, Rexha realizoi në minutën e 14-të, Vucaj në minutën e 83-të dhe Emini në të 90-tën për fitoren shumë të rëndësishme të Dritës.

Ndeshja tjetër ishte spektakël golash ndërmjet Ferizajt dhe Trepçës ’89 që u mbyll me rezultat 5-2 në të mirë të skuadrës nga Mitrovica.

Pas xhiros së 28-të Drita vazhdon të jetë lidere e Superligës tani me 61 pikë, 4 më shumë se Prishtina që është në vendin e dytë me 57 pikë.

Më poshtë mund ta shihni tabelën aktuale të Superligës së Kosovës. /Reporteri.net/