Një nga ekipet kryesore të futbollit në Turqi, Besiktas, ka njoftuar se dy prej lojtarëve të tyre kanë testuar pozitivisht për koronavirus.

Kjo ka ndodhur pas testimeve ditën e mërkurë, por emrat e tyre nuk janë zbuluar, derisa shëndeti i lojtarëve po monitorohet.

“Të gjithë lojtarët, personeli teknik dhe punonjësit e klubit janë testuar të mërkurën, më 24 qershor. Dy futbollistë u testuan pozitivë për COVID-19”, tha ekipi turk në një deklaratë.

Mediet turke raportojnë se këto rezultate te Besiktas, mund të bëjnë që ndeshja e paraparë të zhvillohet sot mes Besiktas dhe Konyasport, të shtyhet.