Portieri Loris Karius ka përfunduar bashkëpunimin me klubin e Besiktashit.

Kështu raporton gazeta gjermane ‘Bild’, e cila thotë se Karius ka mbyllur kontratën me klubin e njohur turk, dhe pret një përgjigje për pagat e pamarra nga Besiktashi.

Klubi i njohur i Turqisë refuzon ta paguajë portierin gjerman. Në këtë mënyrë, Karius do të kthehet te Liverpooli, por duket thuajse e pamundur që ai të gjejë vend te ‘The Reds’.

Skuadra angleze e Wolverhampton ka shfaqur interes për të.

Karius u shënjestrua pas dy gafave në finalen e vitit 2018 të Ligës së Kampioneve Real Madrid-Liverpool 3-1, të cilat i kushtuan trofeun prestigjioz klubit anglez.

Ai u anatemua shumë nga tifozët për mungesën e përqëndrimit në fushë. Me Besiktashin, Karius ka luajtur gjithsej 67 ndeshje.