Vushtrria arriti fitore të madhe në udhëtim te Ferizaj me golin e vetëm të shënuar në këtë takim nga Ygor Vinicius

Vushtrria e mposhti Ferizajn me rezultat minimal 1-0, ndërsa në këtë takim tifozët vendas u treguan të pamëshirshëm ndaj futbollistit me ngjyrë, Ygor Vinicius, raporton Reporteri.net

Gjatë tërë ndeshjes Vinicius ka qenë cak i thirrjeve raciste nga ana e tifozëve të Ferizajt.

Ne ndeshjen Ferizaji – Vushtrria, femijet 9-12 vjecar me thirrje raciste. ??‍♂️??‍♂️ pic.twitter.com/vY48h5iny8

— Granit Tërstena? (@terstenagranit) September 15, 2019

Gazetari kosovar, Granit Tërstena ishte në tribuna në këtë takim dhe me anë të një postimi të bërë në Twitter ka zbuluar se fëmiijët e moshës 9-12 vjeçare kanë bërë thirrje raciste në drejtim të Ygor Vinicius, i cili më pas shënoi golin e fitores për Vushtrinë.

Reporteri.net ka kontakuar me Granit Tërstenën që të marr më shumë informacione dhe ai ka rrëfyer atë që ka parë sot në stadium.

“Dy lojtarët me ngjyrë të Vushtrrisë gjatë gjithë ndeshjes kanë qenë viktimë e komenteve raciste. Vazhdimisht i thonin ‘majmun’ lojtarëve me ngjyrë të Vushtrrisë. 80 përqind e këtyre që vepruan kështu ishin fëmijë të moshës 9 deri në 12 vjeçare.” ka thënë Tërstena.

Ndryshe, Vushtrria me fitoren e sotme ka kaluar në vendin e nëntë me 4 pikë, ndërsa Ferizaj është në pozitën e dhjetë me 3 pikë pas katër xhirove të zhvilluara në Superligë. /Reporteri.net/