Klubi i Superligës turke, Ankaragucu, ka konfirmuar përmes faqes zyrtare se është përforcuar me mesfushorin kosovar, Idriz Voca.

“Klubi ynë, që po vazhdon me përforcime, ka nënshkruar kontratë 2+1 me Idriz Vocën”, thuhet në konfirmimin e klubit turk.

Voca, 23 vjeçar, është shprehur i lumtur për këtë transferim, derisa ka thënë se do të japë më të mirën e tij.

“Jam krenar të jem pjesë e një klubi të fortë dhe të suksesshëm siç është Ankaragucu. Jam i entuziazmuar t’i shërbej komunitetit Ankaragucu. Do të jap më të mirën time për të kontribuuar në mënyrën më të mirë të mundshme”, ka thënë Voca.