Skuadra e Lille vazhdoi me rezultate pozitive në Ligue 1, pasi në javën e 18-të mposhti 3:0 Lorientin.

Një paraqitje fantastike zhvilloi edhe futbollisti i Kombëtares së Kosovës, Edon Zhegrova. Madje ai shënoi një gol të bukur në minutat e fundit të ndeshjes.

Zhegrova pas ndeshjes tha se kjo fitore do duhej të ndodhte duke parë formën momentale të skuadrës së tij. Ai tregon poashtu edhe objektivin e klubit të tij këtë sezon.

“Ne kishim dëshirë të fitonim këtë ndeshje dhe ia dolëm. Sigurisht që synojmë një vend në Ligën e Kampionëve, kemi ambicie të mëdha”, u shpreh Zhegrova pas ndeshjes.

Kujtojmë që futbollisti kosovar gjatë këtij sezoni me Lille ka shënuar shtatë gola dhe ka bërë shtatë asiste në të gjitha garat.