Ekipi i Spanjës niset për në Prishtinë, nesër përballet me Kosovën

Kombëtarja e Spanjës të mërkuren do të përballet me Kosovën, në kuadër të grupit B të kualifikimeve të Kupës së Botës.


Kjo ndeshje do të zhvillohet në stadiumin “Fadil Vokrri”, në orën 20:45.

Tashmë futbollistët e Spanjës janë nisur për në Prishtinë, ku pritet të mbërrijnë pas disa orëve.

Spanjollët nga ora 18:15 do të paraqiten në konferencën për media para ndeshjes, kurse nga ora 19:00 do të zhvillojnë stërvitjen e parë në kryeqytet.

Ekipi i Luis Enriques kërkon vetëm tri pikë nga ky duel që të ruajnë vendin e parë në grup, i cili siguron kalimin tutje.