Futbollisti i Kombëtares së Shqipërisë, Keidi Bare është një lojtar që përbën interes të veçantë me atë çfarë ka treguar deri më tani në fushë.

Ai tashmë është shndërruar në një futbollist kyç te skuadra e Malagas, dhe nisur nga kjo merkatoja e verës mund ta gjejë mesfushorin shqiptar në një tjetër ekip.

Oferta e parë ka mbërritur në zyrat e Malagas.Bëhet fjalë për Espanyolin, i cili këtë sezon luajti në La Liga, por pa ia dalë të sigurojë qëndrimin edhe për një vit tjetër.

Sipas medias prestigjioze “AS“, bardheblutë e duan futbollistin shqiptar dhe mbetet të shihet sesi do të rrjedhin negociatat.