Nora Gjakova në garimin e sotëm i siguroi medaljen e dytë të artë Kosovës në Lojërat Olimpike të Tokyos.

Ajo dominoi në kategorinë deri në 57 kilogramë, për t’u shpallur kampione olimpike. Kështu, ajo iu bashkua Distria Krasniqit dhe Majlinda Kelmendit si kampionet e vetme olimpike nga Kosova.

Suksesi i Norës nuk u kalua pa u përmendur nga faqja zyrtare e Xhudos Botërore.

“Nora Gjakova – kampione olimpike. Trendi legjendar vazhdon për ekipin kosovar të femrave, teksa Nora rrëmben medaljen e tretë për Kosovën në Lojërat Olimpike – të trija në xhudo” – shkroi faqja zyrtare e Xhudos Botërore në Twitter.

E ky sukses i jashtëzakonshëm u vlerësua shumë edhe nga faqja zyrtare e Lojërave Olimpike.

Në një koment të bërë ata shkruan: “Arritje e pabesueshme”.

Nora Gjakova – Olympic champion 🥇

The legendary trend continues for the Kosovan women’s team, as Nora takes Kosovo’s third medal EVER for Kosovo at the Olympic Games – all three for judo! 🥇🥇🥇#Tokyo2020 #Judo #Olympics @olympics @tokyo2020 #UnitedByEmotion pic.twitter.com/0OQPNclQEK

— Judo (@Judo) July 26, 2021

Me dy medalje të arta deri tash, Kosova gjendet në mesin e 10 vendeve të para në ranglistë në këtë Olimpiadë.