Ka përfunduar ndeshja ndërmjet skuadrës së Napolit dhe Fiorentinës në kuadër të raundit 32 në Serie A, shkruan Reporteri.net.

Napoli është mposhtur në shtëpi nga Fiorentina me rezultat përfundimtar 2-3.

Napolitanët e filluan ndeshjet mjaft mirë, ku në minutat e para të ndeshjes sulmuesi i skuadrës vendase, Victor Osimhen shënoi, por goli i tij nuk u numëru për shkak se ishte pozicion jashtë loje.

Ndërkaq në minutën e 29-të për skuadrën mysafire shënoi Nicolas Gonzalez, për të dërguar në epërsi minimale atë.

Pas fillimit të pjesës së dytë rezultatin e barazoi skuadra vendase, ku për ta realizoi Dier Mertens në minutën e 58-të.

Por, tetë minuta më vonë skuadra e Fiorentinës shënuan gol Jonathan Ikone, i cili dërgoi përsëri ata në avantazh.

5 minuta më vonë Arthur Cabral thelloi epërsinë ndaj Napolit, ku më pas ishte pikërisht sulmuesi polak, Osimhen, i cili ngushtoi këtë epërsi, ku realizoi gol në minutën e 84-të.

Disfata që pësoi Napoli në këtë ndeshje i hap rrugë skuadrës së Milanit për ta forcuar pozitën e parë, ku aktualisht gjenden.