Boksieri shqiptar Florian Marku e ka mbrojtur me sukses titullin IBF International në kategorinë velter. Ai mposhti me pikë (80-74) boksierin francez Jorick Luisetto.

Boksieri shqiptar, Florian Marku ka vazhduar me fitore në peshat e lehta. Marku arriti fitore me vendim unanim të gjyqtarëve përballë boksierit Jorick Luisetton.

Prej fillimit të meçit, boksieri shqiptar kishte dominimin dhe nuk lejoi befasi deri në fund të meçit, ndonëse nuk arriti të fitonte me nokaut.

Kështu, Marku mbetet i pamposhtur, që prej 11 meçeve ka 10 fitore dhe vetëm një barazim.

Në anën tjetër Luisetto ka 14 meçe, prej të cilave ka fituar 11 dhe ka humbur 3.