Tyson Fury është i bindur se do të dalë fitues edhe në meçin tjetër që do ta zhvillojë me Deontay Wilder

Gipsy King e mposhti Wilderin në meçin që u zhvillua më 22 shkurt në Las Vegas, shkruan Reporteri.net

Fury domininoi tërë meçin ku e rrëzoi dy herë para se gjyqtari ta ndalte përballjen në raundin e shtatë.

Pas meçit Wilderi fajin për humbje ia kishte lënë kostumit të tij, me të cilin kishte hyrë në ring.

“Në mendjen e çdo boksieri duhet të jetë një arsye përse ka humbur. Kurrë nuk mund të jetë e thjeshtë për ta ‘humba sepse sonte nuk isha mjaft i mirë’. Gjithmonë është kështu ‘kampi im e pati gabim, ishte faji i trajnerit, ishte faji i kostumit, faji i gishtit tim të madh’. Gjithmonë ia lënë fajin dikujt,” ka thënë Fury.

Për meçin e tretë, i cili pritet të ndodhë gjatë verës Fury ka thënë se do ta rrah përsëri Wilderin.

“E rraha herën e parë, e rraha herën e dytë, dhe natyrisht se do ta rrah edhe herën e tretë,”./Reporteri.net/