Skuadra më e madhe shqiptare, Shkëndija e Tetovës ka marrë një vendim të ri.

Ajo do t’ua zbres deri 70% të pagës futbollistëve të saj.

Të paktën kështu shkruan portali “InfoSporti” i afërt me klubin tetovar.

Kjo zbritje do të zgjasë deri kur të mbyllet pandemia, kurse një numër i madh i lojtarëve pritet të humbin shumë nga kjo zbritje, pasi pagat e tyre janë tejet të larta.

Gjithsesi, për shumëkë, momentalisht ekonomia nuk është edhe aq e rëndësishme, pasi shëndeti mban primatin si gjëja më parësore.

Kujtojmë se situata e krijuar nga koronavirusi ka prekur jo pak klube nga i gjithë kontinenti i vjetër, teksa pa ndihma nga instancat më të larta të futbollit, rimëkëmbja duket të jetë e pamundur, sidomos për ekipet e vogla.