Akil Gjakova ka humbur në gjysmëfinale në Lojërat Olimpike nga xhudisti azerbajxhanas Hidayat Heydarov.

Heydarov, xhudisti numër një në botë arriti të shkonte në finale me waza-ari.

Gjakova mbylli kohën e rregullt pa rezultat, ndërkaq në kohën shtesë me pikë të arta, Heydarov arriti te një pikë për të siguruar finalen.

Azerbajxhanasi tani do të përballet me francezin Joan-Benjamin Gaba.

Akil Gjakova kaloi në gjysmëfinale pasi fillimisht mposhti brazilianin cilësor Daniel Cargnin në rrethin e parë të garave, e pastaj edhe austriakun Samuel Gasnner dhe në çerekfinale italianin Manuel Lombardo.