Antoine Griezmann ka shënuar për herë të parë gol në ‘Camp Nou’.

Francezi asnjëherë më parë nuk kishte arritur që të shënonte gol në stadiumin e Barcelonës sa ishte lojtar i Atletico Madridit.

Por, këtë ai e bëri sonte në debutimin e tij në fanellë të Blaugranas.

Griezmann mori një top të mirë nga Sergi Roberto derisa ai shënon golin e barazimit në minutën e 41-të.

Pjesa e parë në Camp Nou ka përfunduar barazim 1-1.

Për Betisin golin e ka gjetur edhe përforcimi i tyre më i ri Nebil Fekir i cili kaloi në avantazh mysafirët në minutën e 15-të.