Pep Guardiola pritet që të rinovojë kontratën me Manchester Cityn, teksa raportohet se një marrëveshje është afër finalizimit.

Sipas “Sport”, trajneri spanjoll do të jetë edhe për disa sezone pjesë e kampionëve në fuqi të Anglisë.

Bazuar në raportimin e mediumit spanjoll, Guardiola do të nënshkruajë kontratë të vlefshme deri në vitin 2025.

Kontrata aktuale e tij me “Qytetarët” skadon më 30 qershor 2023. Pra, pas përfundimit të këtij sezoni.

Që nga viti 2018, Manchester City ka dalë fitues në katër nga pesë sezonet e fundit të Premierligës.

Sigurimi i së ardhmes së tij është sinonim i suksesit për klubin nga “Etihad” dhe nëse ai mund të regjistrojë sërish suksese në tre sezonet e ardhshme potenciale, atëherë 51-vjeçari do të shënonte një nga periudhat më të suksesshme në historinë e futbollit.