Skuadra angleze ka nisur interesimet për transferimin e lojtarëve të ndryshëm në afatin e verës së këtij viti, përcjell Reporteri.net. 

Së fundmi, City ka bërë lëvizje për të përmbushur klauzolën e lirimit të mesfushorit të Real Sociedad, Mikel Merino, sipas Kike Marin.

Reprezentuesi spanjoll u transferua në San Sebastian në verën e vitit 2018 për një shumë prej rreth 11 milionë funte nga Newcastle United dhe ka vazhduar të bëjë 27 paraqitje në La Liga deri më tani këtë sezon.

Megjithatë, 25-vjeçari mund të rikthehet në Premier League këtë verë, me El Confidencial që raporton se trajneri i Cityt, Pep Guardiola është një admirues i madh.

Një klauzolë lirimi prej 60 milion € (50 milion £) e futur në marrëveshjen aktuale të Merino do të thotë se negociatat nuk do të ishin të vështira për ta sjellë atë në Etihad Stadium, pavarësisht se kontrata e tij vlen deri në vitin 2025.

Brenda 27 paraqitjeve të tij në ligë këtë sezon, Merino ka regjistruar tre gola dhe dy asistime nga mesfusha qendrore, të cilat e kanë ndihmuar Sociedadin në vendin e gjashtë në La Liga pas fitores 2-1 ndaj Elche të dielën.

Pasi luajti për Newcastle si huazim nga Borussia Dortmund në sezonin 2017-18, kalimi në St James’ Park u bë i përhershëm për rreth 6 milionë funte, përpara se të kalonte menjëherë te Sociedad vetëm disa ditë më vonë.