Jurgen Klopp fitoi Ligën e Kampionëve për herë të parë në karrierën e tij si trajner.

Tekniku gjerman dështoi ta bënte atë në dy rastet e mëparshme kur u mposht në finale, një herë me Dortmundin nga Bayern dhe njëherë tjetër me Liverpoolin nga Real Madrid.

Për këtë sukses të tij e ka uruar edhe njëri nga rivalet e Permierligës, trajneri i Manchester Cityt, Pep Guardiola.

“Më parë fola me Pep Guardiolën në telefon. Mjeku ynë i kokës [Lee Nobes] ka punuar për Manchester Cityn në fillim të vitit, por ai donte të fitonte Ligën e Kampionëve … jo, kjo është një shaka“, u tha Klopp gazetarëve.

“Ne i kemi premtuar njëri-tjetrit se do të përballemi përsëri sezonin e ardhshëm. Ne do të luajmë për gjithçka dhe të shohim se çfarë marrim“.

“Marrja e 97 pikëve në Premier League dhe fitimi i Ligës së Kampioneve është një rrugë e pabesueshme për të shkuar dhe ne e bëmë atë. Kjo është e pabesueshme“.

“Tani kemi fituar diçka, ne do të vazhdojmë. Ne do të fitojmë gjëra. Kjo është e madhe. Unë jam me të vërtetë i lumtur“, ka përfunduar Klopp.