Robin Haxhi Krasniqi i është rikthyer karrierës së tij me një fitore të madhe me nokaut para pak ditësh në Munchen të Gjermanisë, ku lufta zgjati vetëm pesë raunde.

Pak ditë pas këtij suksesi, Krasniqi u kthye në Kosovë, ku sot mbajti një konferencë për media, në të cilën foli për suksesin dhe objektivat e tij.

Ai tha se rikthimi në ring me fitore ishte një gjë e pritur pasi ishte përgatitur shumë dhe se kjo e ka motivuar për të vazhduar edhe më fuqishëm përpara.

Madje, ai zbuloi se me formën aktuale dhe me përgatitjet, në të cilat është duke i bërë do të jetë aktiv në boks edhe për së paku pesë vjet të tjera, transmeton kp.

Ai më pas foli më vështirësitë që ka hasur në karrierën e tij, duke thënë se ka kaluar netë të tëra pa gjumë për të arritur objektivat e tij, teksa u bëri thirrje të rinjve që të punojnë dhe t’i arrijnë objektivat e tyre brenda Kosovës.