Sulmuesi i Lyonit, Moussa Dembele ka bërë një dedikim të veçantë të fitores së tyre në çerekfinale ndaj Manchester Cityt.

Lyoni ka arritur të befasojë të gjithë duke mposhtur Manchester Cityn me rezultat 3-1 në ndeshjen çerekfinale të Ligës së Kampionëve dhe duke kaluar tutje.

Golat në këtë përballje u shënuan nga Maxwel Cornet (24’) dhe Moussa Dembele (79’, 87’) për Lyonin, ndërsa Kevin de Bruyne (69’) për Cityn.

Pas ndeshjes, Dembele u shpall si më i miri i takimit dhe mori çmimin nga organizatorët.

Megjithatë, sulmuesi francez pas ndeshjes pati një dedikim të veçantë për fitoren, të cilën ia dedikoi bashkëlojtarin e tij, Tino Kadewere, i cili mungoi.

🔴🔵 Two-goal Lyon hero Moussa Dembélé takes the prize after his incredible cameo 🎖️⚽️⚽️#UCLMOTM | #UCL pic.twitter.com/4dwuCDc6wC

— UEFA Champions League (@ChampionsLeague) August 15, 2020

“Vëllai im Tino kjo fitore është për ju, jini të fortë vëllai im!”, ka shkruar Dembele në profilin e tij në Twitter.

Tino mungoi ndaj Cityt pasi javën e kaluar grupe kriminale ia vranë vëllain dhe ai kishte udhëtuar drejt Zimbabwe për varrim.

My brother Tino this victory is for you, be strong my brother! Mon frère Tino cette victoire est pour toi, soit fort mon frère!🤗👊🏿 pic.twitter.com/bC7ja5S6h6

— Moussa Dembélé (@MDembele_10) August 15, 2020

/Reporteri.net/