Holanda ka mbetur me 10 futbollistë në fushë kundër Republikës së Çekisë, në ndeshjen e 1/8 së finales në Euro 2020 që po zhvillohet momentalisht në Budapest.

Matthijs de Ligt u përjashtua direkt me karton të kuq për prekje të topit me dorë si lojtari i fundit në mbrojtjen holandeze në minutën e 55-të, raporton Gazeta Express.

Si pasojë, Holanda do të duhet të luftojë me një lojtar më pak në fushë në minutat e mbetur në pjesën e dytë, në kërkim të çerekfinales.