Ish lojtari i Italisë, Vicenzo Iaquinta është dënuar me dy vjet burgim për “armëmbajtje pa leje”.

Ish futbollisti i Juventusit dhe Udineses akuzohet se i kishte kaluar babait të tij dy pistoleta të paligjshme, me këtë të fundit që kishte një të kaluar të errët me botën e nëndheshme.

Babai i Iaquinta u dënua me 19 vjet, ndërsa Apeli i hoqi shtatë vjet. Ndërsa ish kampioni i botës me Italinë në vitin 2006, u gjet me dy pistoleta dhe qindra plumba.

Sipas autoriteteve, armët ishin regjistruar, por transferimi për t’u përdorur nga babai i lidhur me mafien gjithashtu inkriminoi ish-futbollistin.

Nga ana e tij, Iaquinta ka mohuar të gjitha akuzat kundër tij dhe babait të tij, duke premtuar të ndjekë çështjen më tej.

Vincenzo Iaquinta u transferua nga Udinese në Juventus në 2007, ku luajti për pesë edicione.