Ish-ylli gjerman i Liverpoolit, Dietmar Hamann, e ka quajtur budalla Cristiano Ronaldon, pas disfatës së Portugalisë 4:2 kundër Gjermanisë në Euro 2020 në Munih.

Ronaldo, i cili e shënoi golin e parë në atë ndeshje por në fund përfundoi si humbës, e mori vëmendjen me një çast magjik kur e dribloi Antonio Rudigerin duke shfaqur aftësi mahnitëse, transmeton Gazeta Express.

Driblimi që ia bëri sulmuesi i Juventusit mbrojtësit të Chelseat u cilësua si turpërim, pasi Ronaldo ia kaloi topin mbi kokë atij dhe u bëri sikur do ta kapte me dorë, para se ta pasonte me thembër te një bashkëlojtar duke shikuar anash.

Por Hamann beson se ai veprim i Ronaldos vetëm sa e nxiti Gjermaninë për ta mposhtur Portugalinë dhe thotë se kjo e bëri Ronaldon të duket budalla në fund.

Sipas ish-yllit të Gjermanisë, nuk pati magji në veprimin e Ronaldos ndaj Rudigerit.

“Mendoj se është e pakuptimtë. Ai e coi topin mbi të, duke pretenduar se do ta kapte me dorë dhe pastaj e goditi me thembër duke shikuar anash”, tha Hamann.

“Natyrisht se është (e mahnitshme) dhe ne e dimë se ai mund ta bëjë këtë. Por në një mënyrë, ai e nxiti kundërshtarin. Kjo ndodhi kur rezultati ishte 1:0 dhe unë jam ulur këtu me juve dhe të gjithë po flasim me entuziazëm për këtë. Po, ai është më i miri me Messin. Por ai duket si budalla tani. Ai duket si budalla. Çfarë donte të arrinte me këtë? Ndoshta ky rikthim (i Gjermanisë) nisi pikërisht këtu”, shtoi ai.