“Jemi të lumtur. Jetojmë në një vend ku ata që respektojnë ligjet nuk mund të dënohen. Dhe Napoli gjithmonë ndjek rregullat”.
Ky ishte reagimi i presidentit të Napolit, Aurelio De Laurentiis, menjëherë pas publikimit të vendimit të Gjykatës së Komitetit Olimpik Italian, e cila përmbysi dy vendimet e Gjykatës Federale dhe Gjykatës Sportive të Apelit, të cilat kishin lënë në fuqi fitoren 3-0 në tavolinë për Juventusin ndaj Napolit.
Me ndryshimin e situatës, Napoli rikuperon edhe një pikë të hequr në renditje, pasi klubi nuk u paraqit në Torino për sfidën, pasi nuk u lejua nga autoritetet rajonale të udhëtonte, për shkak të pandemisë koronavirus.
“Ishte një vendim historik, shkalla e tretë përmbysi dy të mëparshmet. Ishte rezultat i një drejtësie të madhe që rivendos që ndeshja të luhet në fushë. Ju nuk mund të rrezikoni shëndetin për të luajtur një ndeshje futbolli”, tha avokati Mattia Grassani.
Hipoteza për datën kur mund të riluhet sfida është 13 janari, duke shtyrë ndeshjet e Kupës së Italisë, ku skuadrat janë të angazhuara.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.