Kampionati Evropian “Gjermania 2024” është drejt fundit por po vazhdon gara për top-golashënuesin më të mirë.

Kapiteni i Anglisë, Harry Kane, dhe reprezentuesi i Spanjës, Dani Olmo, janë në krye të listës së golashënuesve.

Para finales që zhvillohet të dielën mes Spanjës dhe Anglisë, disa lojtarë kanë shansin të bëhen top-golashënues.

Kane dhe Olmo janë liderë, por të tjerë lojtarë po ashtu kanë mundësinë t’i kalojnë ata apo të barazohen me ta.

Afër janë Fabian Ruiz i Spanjës dhe Jude Bellingham i Anglisë, që kanë nga dy gola.

Në “Euro 2020”, golashënuesi më i mirë ishte Cristiano Ronaldo me pesë gola e një asistim. Antoine Griezmann ishte më efikasi në “Euro 2016” me gjashtë gola. Në “Euro 2012”, Fernando Torres u shpall golashënuesi më i mirë në bazë të tri kritereve. Kishte tri gola, një asistim dhe më pak minuta në fushë se kandidati tjetër.

David Silva i Spanjës i kishte katër gola në “Euro 2008”, ndërsa Milan Barosh i Çekisë ishte top-golashënues në “Euro 2004” me pesë gola.