Xhudistët e Kosovës rrëmbyen katër medalje në Kampionatin e Hapur Evropian të Xhudos që u mbajt sot në Prishtinë.

Suksesin më të madh e arriti Akil Gjakova, me medaljen e artë për Kosovën.

Përpos, Akilit, medalje të bronzta fituan Dardan Cena, Nora Gjakova e Distria Krasniqi.

Në këtë garë sportive, e cila është më e madhja e xhudos e mbajtur ndonjëherë në Kosovë, morën pjesë 26 shtete me mbi 40 xhudistë elitarë, nga të cilët 25 meshkuj dhe 15 femra.

Kosova në këtë kampionat  u përfaqësua me dy xhudistë nga kategoria e meshkujve dhe dy nga kategoria e femrave, ndërsa shtetet e tjera kanë të drejtë pjesëmarrjeje vetëm me nga një xhudist e një xhudiste.

Në kategorinë e meshkujve nga Kosova garuan Akil Gjakova dhe Dardan Cena, ndërsa nga kategoria e femrave,  dy kampionet olimpike kosovare, Distria Krasniqi dhe Nora Gjakova.

Që të katërt nga ta rrëmbyen medalje.

Kampionati i Hapur Evropian i Xhudos, “European Championships Open”, organizohet në kuadër të programit shtetëror “Kosova, shtet i xhudos” nga Federata e Xhudos e Kosovës dhe mbështetet nga Ministria e Kulturës, Rinisë dhe Sportit dhe Federatës Evropiane të Xhudos./Reporteri.net/

Akil Gjakova i siguron medaljen e artë Kosovës në Kampionatin e Hapur Evropian