Arsenali është duke tentuar që t’i bëjë së paku tri transferime në afatin kalimtar të janarit.

The Gunners nuk e kanë filluar edhe aq mirë këtë edicion, duke pësuar disa disfata, derisa e mbyllën vitin me fitoren minimale 1-0 ndaj Brightonit.

Mikel Arteta i ka bërë me dije bordit të klubit se do i duhen disa transferime në janar, për të shpresuar që të rikthehen në Ligën e Kampionëve, transmeton telegrafi.

Topçinjtë janë duke shpresuar që të transferojnë Diego Costan si lojtar i lirë, pasi kontraat e tij me Atletico Madridin u ndërpre.

Një dëshirë tjetër e Artetas është edhe Isco, që nuk po ka hapësirë te Real Madridi dhe Zinedine Zidane e dëshiron largimin e tij.

Në listën e spanjollit është edhe mesfushori i Sevillës, Joan Jordan, që po tregon formë të lartë në këtë edicion, me Arsenalin që duhet të paguajë rreth 35 milionë euro për kartonin e tij.