Cristiano Ronaldo dhe familja e tij aktualisht po mbrohen nga binjakët që kanë shërbyer si ushtarë në një njësi elitare të forcave speciale në Afganistan.

Të hënën në mëngjes, një nga truprojat e Ronaldos përplasi Bugattin e tij prej 1.7 milionë euro në anën e shtëpisë së pushimit të superyllit të Manchester United në Majorca, pasi 37-vjeçari e mori super-mjetin për pushimet e tij familjare në ishullin spanjoll.

Emri i drejtuesit të makinës nuk është bërë i ditur, por dyshohet se dy vëllezërit kanë qenë në makinë.

Megjithatë, pavarësisht aksidentit, Ronaldo shoqërohet në çdo kohë nga vëllezërit Sergio dhe Jorge Ramalheiro.

Pasi u larguan nga forcat speciale portugeze, ata u bashkuan me një njësi të policisë kombëtare që ruante politikanët dhe gjyqtarët vendas, përpara se të punësoheshin si truproja personalë të Ronaldos vitin e kaluar.