Anëtari i Përfaqësueses së Kosovës, Arijanet Muriç ka zgjuar interesimin e shumë klubeve pas paraqitjeve fantastike me ‘Dardanët’ dhe skuadrën e Manchester Cityt.

Ylli kosovar është bërë shënjestër e skuadrave të ndryshme të cilat kërkojnë ta transferojnë në formë huazimi, pasi City nuk dëshiron të heqë dorë nga shërbimet e tij pasi sheh potencial të madh tek ai, shkruan Reporteri.net

Së fundi, skuadra që bën pjesë në garat e Championship, Nottingham Forest e cila njëkohësisht është fituese e dyfishtë e Ligës së Kampionëve, është interesuar për shërbimet e kosovarit.

Martin O’Neill, trajneri i skuadrës Nottingham Forest ishte i pranishëm në ndeshjen që Kosova e zhvilloi ndaj Bullgarisë dhe ndoçi nga afër paraqitjen e portierit që është në pronësi të Cityt.

Muriç është në vitin e fundit të kontratës, por si duket Pep Guardiola ka vendosur që t’ia vazhdojë kontratën yllit ‘dardan’, pasi ishte i impresinouar nga paraqitjet fantastike të tij në kompeticionin e ‘Carabao Cup’.

Skuadra tjetër, Preston e cila poashtu bën gara në një rang me Nottingham Forest është e interesuar poashtu për shërbimet e Aros.

Ditët apo javët e ardhshme pritet të jenë decizive për të ardhmen e kosovarit./Reporteri.net/