Valencia-Atalanta, ndeshja e vlefshme për Ligën e Kampionëve do të luhet pa tifozë shkaku i Koronavirusit

Shkaku i virusit famoz janë ndërprerë shumë aktivitete sportive, ku Italia ka marrë vendim që të gjitha ndeshjet deri më 3 prill të luhen pa tifozë, shkruan Reporteri.net

Dhe tani edhe një ndeshje e Ligës së Kampionëve është konfirmuar se do të luhet pa tifozë.

Valencia-Atalanta, ndeshje e vlefshme për 1/16 e Ligës së Kampionëve do të luhet pa praninë e shikuesve.

“Vendimi që ndeshja e kthimit në Ligën e Kampionëve, pra në Mestalla, të zhvillohet pa tifozë tashmë është zyrtar, për më tepër i pakthyeshëm. Kjo nuk po bëhet për shkak të sigurisë së nevojshme për ta kontrolluar secilin që hyn në stadium, por për të mirën e përgjithshme,” ka thënë Ana Barcelo, e cila është ministre e shëndetësisë publike në Spanjë.

Ndryshe, duel i parë i luajtur në Itali kishte përfunduar me rezultat 4-1 për Atalantan. /Reporteri.net/