Mbrojtësi i Salzburgut, Albert Vallci e ka konfirmuar që Kosova dhe Shqipëria kanë bërë kërkesë që sigurojnë shërbimet e tij.

Në një intervistë për Sky Sports Austria, 23 vjeçari ka deklaruar se do të jetë një zgjedhje e vështirë.

“Teorikisht unë duhet të luaj për këto shtete. Trajneri i Kosovës është nga Zvicra, ai ka qenë këtu dhe më ka shikuar në një ndeshje. Është shumë vështirë të bëj një zgjedhje sepse duhet të marr një vendim të shpejtë” ka thënë Vallci.

Në janar mbrojtësi shqiptar ishte transferuar te Salzburgu dhe gjatë kësaj periudhe ka qenë i pazëvendësueshëm në formacion.

Këtë edicion Salzburgu fitoi titullin e 13-të kampion në Bundesligën e Austrisë.