Kosova ka fituar me rezultat të pastër 2-0 ndaj Malit të Zi, duke mbajtur gjallë shpresat për kualifikim në Euro 2020.

“Dardanët”, e përfunduan dilemën e fituesit qysh në pjesën e parë, duke vazhduar mbretërimin në “Fadil Vokrri”, shkruan Reporteri.net.

Golin e parë e ka shënuar mbrojtësi Amir Rrahmani me kokë pas një korrneri.

Kurse golin e dytë dhe të fitores e shënoi supersulmuesi Vedat Muriqi për 3 pikë të reja.

Pas kësaj fitoreje Kosova tubon 11 pikë dhe renditet e treta, veç 1 pikë më pak se Çekia që është e dyta dhe 4 pikë më pak se Anglia që kryeson.

Kosova më 14 nëntor udhëton në Çeki, kurse ndeshjen e fundit e luan në Prishtinë me 17 nëntor kundër Anglisë. /Reporteri.net/.