Krerët e Federatës së Futbollit të Kosovës janë duke e zhvilluar një takim urgjent me ministrin e Shëndetësisë, Arben Vitia për të diskutuar rreth kampionatit të futbollit.

Takimi është duke u zhvilluar në këto momente dhe Insporti mëson se krerët e FFK-së janë duke kërkuar lejen që të nisin stërvitjet dhe rifillimin e kampionatit.

Kryetari Ademi së bashku me sekretarin e përgjitshëm, Eroll Salihu dhe kryetarin e Komitetit Olimpik të Kosovës janë duke bërë “presion” që të marrin dritën e gjelbërt nga institucionet shëndetësore.

Ministria e Shëndetësisë rifillimin e aktiviteteve sportive e ka paraparë në fazën e tretë (1 qershor), datë e cila nuk i konvenon Superligës së Kosovës.