Sezoni 2021/22 i Barcelonës nuk ka pasur startin më të mirë të mundshëm.

Pasi u demolua 3-0 nga Bayern Munichu në Champions League, skuadra e Ronald Koemanit dhuroi një tjetër paraqitje të tmerrshme kundër Granadas, të hënën.

Një gol i vonshëm nga mbrojtësi Ronald Araujo u desh që t’ia siguronte katalunasve një pikë kundër një skuadreje që është poashtu në pozitë të vështirë.

Para ndeshjes si mysafir kundër Cadizit sonte, e enjten, blaugranët kanë fituar vetëm tetë pikë nga katër ndeshje në La Liga.

Këtë e bën edhe më të keqe fakti se ata kanë shënuar vetëm tetë gola në këto ndeshje, që është po aq sa ka shënuar Karim Benzema i vetëm për Real Madridin këtë fushatë.

Për t’i bërë gjërat edhe më keq, Barca u tall nga fansat e Cadizit para ndeshjes.

Jashtë stadiumit, vendësit u tallën me Barcelonën, duke brohoritur: ”Ku është Leo Messi?!”

Shikoni videon më poshtë:

Cadiz fans are chanting "Where's Leo Messi" ?

(via @albert_roge) pic.twitter.com/WBdQ08eG3u

— ESPN FC (@ESPNFC) September 23, 2021