Në xhiron e fundit të Superligës së Kosovës pati shumë gjyqtarë të rinj që debutuan

Por, të gjithë këta kanë lidhje familjare me persona që janë të lidhur me politikë ose brenda FFK-së.

Insporti ka zbuluar lidhjet familjare të gjyqtarëve që debutuan në Superligë.

Valbon Hoxha, Mentor Ajeti, Vigan Ibërdemaj dhe Lirim Jashari debutuan në Superligë, ndërsa, në Ligën e Parë ka debutuar Dylot Brahimi.

Këta gjyqtarë, secili prej tyre ka lidhje me persona të politikës ose me persona në ndikim brenda FFK-së.

Lirim Jashari që drejtoi ndeshjen Drenica – Llapi[0-1] është nipi i Bekim Haxhiut, ish nënkryetar i FFK-së në kohën e presidentit të ndjerë Fadil Vokrri dhe deputet i Parlamentit të Kosovës.

Dylot Brahimi – që ka qenë i deleguar në ndeshjen Ulpiana – Kika është i biri i Vehbi Brahimi “Lepri”, vëzhgues i gjyqtarëve.

Valton Hoxha që ka qenë gjyqtar i katërt në derbin Gjilani – Drita [2-3] është i biri i Malazog Hoxhës, kryetar i Lidhjës Rajonale të Gjilanit.

Mentor Ajeti që drejtoi ndeshjen Ballkani – Arbëria[2-1], është i biri i Ali Ajeti, delegat dhe anëtar i Këshillit të FFK-së, vëllai i Alisë, Ismajl Ajeti, anëtar i Komitetit Ekzekutiv të FFK-së.

Vigan Ibërdemaj që drejtoi ndeshjen Feronikeli – Trepça ’89[2-0] është i biri i Haxhi Ibërdemaj – kryetar i Shoqatës së Gjyqtarëve të Pejës.