Federata e Futbollit të Anglisë është ende duke e shqyrtuar çështjen se ku do të luhet ndeshja mes Anglisë dhe Kosovës.

Mediat angleze së fundi kanë raportuar se kjo ndeshje e vlefshme për kualifikimet e Euro 2020 mund të luhet në stadiumin e skuadrës së Southampton, “St. Mary”, shkruan Reporteri.net

Kombëtarja angleze zakonisht i zhvillon ndeshjet në “Wembley” por javë më parë Federata Angleze kishte konfirmuar se ndeshja nuk do të luhej në këtë stadium.

Stadiumi i Southampton ka një kapacitet prej 32,384 ulësesh. Ndeshja do të luhet më 10 shtator të këtij viti./Reporteri.net