Komuniteti sportiv në Mitrovicë sot ka marrë një lajm të hidhur dhe të papritur.

Ka vdekur ish-gjyqtari dhe futbollisti mitrovicas, Agron Latifi, shkruan Reporteri.net.

Përveç familjes dhe komunitetit sportiv, edhe qytetarët e Mitrovicës po shprehen të pikëlluar me humbjen e Latifit.

Duhet theksuar se Agroni ndër vite ka dhënë kontribut për sportin mitrovicas dhe atë kosovar, duke u konsideruar si më meritorët për përparimet në sport.

Ndryshe, jo vetëm Agroni, por familja Latifi shquhet për traditë në sport, pasi i biri Albion Latifi për disa vjet është konsideruar si një prej lojtarëve më të mirë në qytet.