Anipse Barcelona është 15 pikë larg Real Madridit, ish lojtari i Barcelonës, Ronaldinho është shprehur mjaft optimist që Barça mund ta mposht Real Madridin në garë për titull në La Liga, përcjell Reporteri.net.

Ndërkaq, Barcelona ka edhe dy ndeshje për të rikuperuar në kuadër të La Liga, mirëpo për ikonën braziliane klubi katalunas ka mundësi të arrijë në krye të La Ligas.

“Të gjithë jemi të entuziazmuar që Barca po luan mirë dhe mendoj se gjithçka është e mundur”, ka thënë Ronaldinho.

“Si tifoz shpresoj se gjërat shkojnë mirë dhe mendoj se mund të ketë një përmbysje”, ka shtuar braziliani.

Në 14 ndeshjet e fundit Barcelona është e pamposhtur në La Liga.

Ndërkaq, sonte Barcelona do të përballet me Levanten nga ora 21:00.