Laura Fazliu po shfaq formë të lartë në Kampionatin Botëror të xhudos, i cili po mbahet në Budapest të Hungarisë.

Xhudistja kosovare është kualifikuar në çerekfinale të këtij kompeticioni, në kategorinë deri në 63 kilogramë.

Në rrethin e tretë, respektivisht në të tetën e finales, Fazliu e eliminoi me Ippon italianen Carlotta Avanzato.

Paraprakisht, Fazliu e kaloi rrethin e parë pa luftë, ndërsa në atë të dytë e mposhti polaken Natalia Kropska, po ashtu me Ippon.

Në çerekfinale, Fazliu do të përballet me brazilianen Rafaela Silva.

Laura, e cila rikthehet nga një lëndim që s’po e linte rehat, synon të fitojë medalje në këtë Botëor.

Siç dihet, paraprakisht në këtë Botëror medalje të argjendtë fitoi Distria Krasniqi, ndërsa pa medalje mbeti Akil Gjakova