Lorik Aliu njëri nga talentët më premtues të futbollit kosovar i ka dhënë fund karrierës në moshën 24 vjeçare

Aliu llogaritej si një lojtar me të ardhme të ndritur, por potencialin e tij nuk mund ta shfaqte asnjëherë shkaku i lëndimeve, shkruan Reporteri.net

Lorik Aliu njoftimin për pensionim e ka bërë në rrjetin e tij social, Facebook:

Ky është postimi i plotë:

Familjarë, shoqëri, dashamirë të futbollit!
Po shfrytëzoj këtë postim për t’ju dhënë një lajm jo të mirë për mua dhe të gjithë ata që më projektuan në majat e sportit më të bukur, FUTBOLLIT.
Kam vendosur që përfundimisht t’i jap fund karrierës time si futbollist aktiv, për shkak të lëndimeve të shumta duke e cilësuar si vendimin më të drejtë.
Është tejet e vështirë që të vendos atletet në gozhdë, pasi që ëndrra më e madhe e jetës time u ndërpre e u shua shumë shpejt.
Ëndrra për tu bërë futbollist profesionist i nivelit të lartë, do ngelet në sirtarin tim, si e parealizuar përjetësisht.
Dua që t’ju falenderoj të gjithëve që më qëndruat afër nga dita e parë e deri sot, dhe bashkëndjetë me mua dhimbje, zhgënjime e triumfe, por fati deshi të përfundonte kështu.
Shihemi në sfida të reja!

Ndryshe, Aliu në të kaluarën ka qenë pjesë e Prishtinës dhe Llapit, ndërsa në arenën ndërkombëtare kishte paraqitje edhe me të rinjët e Dortmundit, ku ishte i ftuar në prova. /Reporteri.net/