Liverpooli ka fituar me përmbysje te Crystal Palace 2-1 në ndeshjen e vlefshme për javën e 16-të në Ligën Premier.

Reds kanë marrë një fitore të madhe në udhëtim te klubi londinez dhe kështu janë bërë lider të ri të kampionatit elitar anglez.

Në pjesën e dytë u shënuan të tre golat.

Palace kaluan të parët në epërsi me anë të Jean-Philippe Mateta (57’), që realizoi nga penaltia, por në 15 minutat e fundit Liverpooli përmbysi gjithçka.

Mohamed Salah (76’), barazoi shifrat në 1-1, kurse 3 pikë të reja ‘The Reds’ ja siguroi Harvey Elliot (90+) me një gol të bukur.

Liverpooli kalon në pozitën e parë me 37 pikë, ndërsa Crystal Palace renditet në vendin e 14-të me 16 pikë. /Reporteri.net./.