Ciro Immobile mund të largohet nga Lazio, pas përfundimit të këtij sezoni.

Forma e mirë që ka kaluar sulmuesi italian ka bërë që shumë skuadra të shprehin interesim për të.

Së fundi, në garë për Immobilen ka hyrë edhe Manchester United. Madje, klubi anglez është i gatshëm të dërgojë një ofertë në drejtim të Lazios për sulmuesin.

Për Immobilen, interesim të vazhdueshëm ka shprehur edhe Napoli.

30-vjeçari ka kontratë me Lazion deri në vitin 2023.

Këtë sezon, sulmuesi italian ka shkëlqyer duke shënuar 34 gola dhe shtatë asistime në të gjitha garat. /Reporteri.net/