Llapi ka paralajmëruar një mbledhje urgjente sonte pas ngjarjeve që ndodhën sot në ndeshjen kundër Dritës

Llapi u mposhtë 2-1 nga Drita në Zahir Pajaziti, në një ndeshje e cila u rikthye në pjesën e dytë nga Intelektualët, shkruan Reporteri.net

Pas shumë akuzave në drejtim të gjyqtarëve dhe FFK-së tani Llapi ka paralajmëruar se sonte do të diskutojnë edhe për mundësinë e ndërprerjes së garave nga ana e tyre.

Ky është postimi i plotë:

“Komunikatë për shtyp

Kryesia e K.F. Llapi mbledhet sonte urgjentisht dhe do të shqyrtoj seriozisht vazhdimin e garave.Edhe pse po ndihemi keq si Kryesi dhe si familje që kemi investuar shumë në futbollin llapjan por ne nuk mund të vazhdojmë më me këtë tendencë ndaj klubit tonë, Llapit.

E dhimbshme të rikthehemi në Ligën e Parë por ne nuk mundemi më, ne do të vazhdojmë të investojmë në futboll por jo në këtë kohë që për kundërshtarë në fushën e lojës kemi këso gjyqtarë që shkelin mbi djersën e futbollistëve dhe mundin e shpenzimet marramendëse të donatorëve”./Reporteri.net/