Liverpool dhe Tottenham sot luajnë finalen më të rëndësishme në kompeticionet për klube, Ligën e Kampionëve.

Ndeshja zhvillohet në Madrid të Spanjës, në stadiumin e skuadrës së Atletico Madridit, në ‘Wanda Metropolitano’ dhe fillon nga ora 21:00, shkruan Reporteri.net

Liverpooli dhe Xherdan Shaqiri do të kërkojnë që fitojnë titullin e 6-të në histori të klubit ndërsa për Tottenhamin është kjo hera e parë.

Por, me cilin flamur do të festojë Xherdan Shaqiri nëse Liverpooli shpallet kampion?

Ai nëpërmjet një postimi në facebook ka konfirmuar se ashtu siç kishte festuar me Bayernin e Mynihut do të festojë edhe me Liverpoolin, pra me flamurin e Zvicrës dhe të Kosovës.

“Gati për të dhënë gjithçka për ta sjellë në shtëpi kupën”, ka shkruar ai në Facebook, duke ia bashkangjitur një foto ku shihet flamuri i Kosovës dhe Zvicrës i ngjitur./Reporteri.net/