Në intervistën e tij si ylli i fundit i kopertinës për “Sports Illustrated”, Kylian Mbappe konfirmoi se po mendonte të largohej nga Kombëtarja e Francës.
Sulmuesi i Paris Saint-Germainit e mendoj largimin për shkak se po përballej me fyerje raciste.
Mbappe shpjegoi se ai pati një takim të shkurtër me presidentin e Federatës së Futbollit të Francës, Noël Le Graët, pas Kampionatit Evropian “Euro 2020”, në të cilin humbi penalltinë vendimtare në ndeshjen kundër Zvicrës, në të cilën francezët u eliminuan.
“Për njerëzit që mendojnë se jam majmun. Unë nuk do të luaj”, ishte mendimi që po e shtynte 23-vjeçarin drejt largimit.
Megjithatë, ai thotë se pas diskutimit me njerëzit rreth tij, ai vendosi se “dorëheqja” nuk ishte mesazhi i duhur për t’u dhënë.
“Mendoj se jam shembull për të gjithë. Kjo është Franca e re… Prandaj nuk hoqa dorë nga kombëtarja. Sepse është një mesazh për brezin e ri se ‘ne jemi më të fortë se kaq’”, deklaroi Mbappe.
Kylian Mbappe me Francën do të synojë mbrojtjen e titullit të kampionit të botës, në Kupën e Botës “Katar 2022” që fillon më 20 nëntor. /Express
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.