Javë më parë është raportuar se ka patur plasaritje të mardhënieve ndërmjet Neymar dhe PSG, për çka është raportuar se do të largohet në afatin e verës nga skuadra e Parisit, përcjell Reporteri.net.

Megjithatë, përkundër këtyre lajmeve sulmuesi brazilian duket se do të qëndrojë në PSG përtej këtij sezoni.

Angazhimi i 30-vjeçarit është vënë në pikëpyetje gjatë periudhës së tij pesëvjeçare në Parc des Princes, pasi ai tashmë i ka kushtuar klubit afër 500 milionë euro së bashku me çmimin e transferimit.

Megjithatë, e ardhmja e tij pritet të mbetet në Parc des Princes dhe jo të transferohet diku tjetër.

Gazeta franceze është ajo L’Equipe e cila konfirmon se Neymar do të qëndrojë në Paris Saint-Germain përtej fundit të sezonit aktual.

Neymar ka ende tre vjet në kontratën e tij dhe PSG nuk pret që ndonjë kërkues i mundshëm do të jetë në gjendje ta përballojë atë këtë verë.

E, Neymar ka gjetur formën këtë sezon dhe ndeshja e fundit vulosi atë me një het-trik ndaj Clermont.