Futbollisti i Manchester City, Benjamin Mendy u la në burg nga gjykata britanike, pasi akuzohet për përdhunimin e dy grave dhe të një adoleshenteje.

Ndaj mbrojtësit francez ka katër akuza për përdhunim, e fundit e ndodhur para shtatë ditësh.

Katër vite më parë, lojtari u ble nga Monako për 52 milionë paund.

Francezi doli para gjykatës ditën e premte, ndërkohë që ai është pezulluar nga klubi i tij, në pritje të përfudimit të procesit gjyqësor.

Mendy nuk foli kur iu komunikuan akuzat, ndërkohë që fjalët e tij të vetme ishin konfirmimi i identitetit.

Një nga viktimat është nën 18 vjeçe. Francezi dyshohet se ka kryer përdhunimet në tetor të 2020 në shtëpinë e tij, ndërsa sulmin seksual ndaj një gruaje po ashtu dyshohet se e ka kryer në shtëpinë e tij në muajin janar të këtij viti.

Hetuesit po ashtu e akuzojnë se ai ka përdhunuar një vajzë këtë muaj, po në banesën e tij.